Կայք հաշվապահների համար և ոչ միայն…
Արման Մանուկյան.
Բարև ձեզ: Ես ունեմ հարց` կապված ոչ լրիվ աշխատաժամանակի հետ: Աշխատանքային պայմանագրում ճի՞շտ է, որ գրվի՝ Աշխատողի համար սահմանվում է վեցօրյա աշխատանքային շաբաթ՝ 3 (երեք) հանգստյան օրով: Քանի որ աշխատողը աշխատում է շաբաթը 3 օր՝ երեքշաբթի, հինգշաբթի, շաբաթ, և աշխատողին տրամադրվում է ամենամյա նվազագույն արձակուրդ՝ 26 աշխատանքային օր տևողությամբ։ Ավելացնեմ նաև, որ գործատուի գործունեությունը ատամնաբուժական կլինիկա է:
on Շրջանառության հարկի փոփոխություններ 2025թ․: “1) Ձեր մեկնաբանությամբ եթե ծախսերը համապատասխանում է Օրենսգրքի 55-րդ հոդվածի 2-րդ մասի 1-5-րդ կետերին, ինչպես նաև նույն հոդվածի 12-րդ և…” Nov 22, 10:23
on Արդյո՞ք անհրաժեշտ է ինքնահաշիվ գրել: “Այո նախատեսված է վարչական պատասխանատվություն, եթե չեմ սխալվում 10,000-20,000 դրամ: Բացի դա ամեն ուշացրած 15 օրվա համար հարկի գումարի 5…” Nov 22, 09:09
on QR կոդով վաճառվող ապրանքներ: “փորձնական ծրագիրն ու դրոշմապիտակները իրար չեն խանգարում, վաճառեք քանի ժամկետի մեջ են, ” Nov 21, 19:36
on Սարքավորման ներմուծում ԵԱՏՄ-ից: “Բայց սարքավորումը գործնեության հետ է կապված ոչ թե վաճառքի” Nov 21, 18:49
on QR կոդով վաճառվող ապրանքներ: “Հիմա օրինակ եթե ավտոյուղը մտնում է փորձնական ծրագրի մեջ, բայց իմ մոտի յուղերը հին նմուշի դրոշմապիտակներով են, դրանք չեն վաճառվելու…” Nov 21, 17:21
on Ինքնազբաղված անձ: “Միկրոյի համակարգում աշխատելու դեպքում տարեկան հաշվետվություն եք հանձնում 256. Հաշվետ.՝ միկրոձեռնարկ. սուբյեկտի իրացման շրջանառ. վերաբերյալ” Nov 21, 17:05
Աշխատանքային պայմանագրում նշեք, որ կազմակերպությունը աշխատում է վեցօրյա գրաֆիկով, իսկ աշխատողի համար սահմանվում է 3-օրյա գրաֆիկ՝ երեքշաբթի, հինգշաբթի, շաբաթ։
Եթե պետք է աշխատողը աշխատի 3 օր, ապա պետք է նշվի օրը կամ հերթափոխի ընթացքում քանի ժամ, իսկ ինչու՞ է Ձեզ մոտ ամենամյա նվազագույն արձակուրդ՝ 26 աշխատանքային օր տևողությամբ, եթե լրացուցիչ արձակուրդի օրերի թիվը ատամնաբույժների համար 2 օր է՝ 20+2, թե՞ հարցը այլ մասնագետի հաշվով է։
Աշխատանքային պայմանագրում նշեք՝ ոչ լրիվ աշխատաժամանակ համաձայն գրաֆիկի, և գրաֆիկով արդեն սահմանեք հաճախման օրերը։ Եվ ուզում եմ ասել, որ ամենամյա նվազագույն արձակուրդը 6-օրյայի համար չի կարող լինել 26 աշխատանքային օր։
4. Աշխատողի աշխատանքը համարվում է ոչ հերթափոխային աշխատանք՝ ոչ լրիվ աշխատաժամանակով: Աշխատողի համար սահմանվում է վեցօրյա աշխատանքային շաբաթ՝ 3 (երեք) օրյա աշխատանքային գրաֆիկով: Աշխատողի շաբաթական աշխատանքային գրաֆիկը, առանց օրենքով սահմանված ոչ աշխատանքային՝ տոնական և հիշատակի օրերին, ունի հետևյալ տեսքը՝
Ինձ պետք է ատամնաբուժական կլինիկայի հաշվապահի օգնությունը: Եթե կա, խնդրում եմ, աշխատանքային պայմանագիր ուղարկեմ Ձեր էլեկտրոնային փոստին, նայեք: Կանխավ շնորհակալ եմ:
Իսկ եթե ատամնաբուժարանում գրանցում ես աշխատող, ով աշխատելու է 3 օր օրական 3 ժամ։ Այդ դեպքում օրական վարձավճարը որքա՞ն է կազմում։
Աշխատանքային օրենսգրքի 142-րդ հոդվածի 2-րդ մասում հստակ գրված է, որ աշխատողների համար սահմանվում է հնգօրյա աշխատանքային շաբաթ
երկու հանգստյան օրով: Այն կազմակերպություններում, որտեղ, արտադրության կամ աշխատանքի բնույթով կամ այլ պայմաններով պայմանավորված, անհնար է հնգօրյա աշխատանքային շաբաթի կիրառումը, սահմանվում է վեցօրյա աշխատանքային շաբաթմեկ հանգստյան օրով:Նույն օրենսգրքի 84-րդ հոդվածի 1-ին մասի 11-րդ կետի համաձայն, որը սահմանում է աշխատանքի ընդունման մասին անհատական իրավական ակտի, աշխատանքային պայմանագրի բովանդակությունը, աշխատանքի ընդունման մասին անհատական իրավական ակտում, աշխատանքային պայմանագրում նշվում են աշխատաժամանակի ռեժիմը (աշխատաժամանակի նորմալ տևողություն կամ ոչ լրիվ աշխատաժամանակ կամ աշխատաժամանակի կրճատ տևողություն կամ աշխատաժամանակի գումարային հաշվարկ) և շաբաթական տևողությունը: Այսինքն այս դեպքում պետք է նշել կամ հնգիրյա աշխատանքային շաբաթ կամ վեցօրյա աշխատանքային շաբաթ:
Ընդունենք, եթե սահմանել վեց օրյա աշխատանքային շաբաթ ոչ լրիվ աշխատաժամանակով շաբաթական (պայմանականորեն) 10 ժամ տևողությամբ, ապա հարց է առաջանում, արդյոք աշխատակիցը պետք է պարտադիր հաճախի շաբաթական 6 օր՝ պահպանելով շաբաթական 10 ժամ տևողությունը, թե կարող է հաճախել ընդունենք 3 օր, բայց էլի պահպանելով շաբաթական 10 ժամ տևողությունը:
Այստեղ ես բաց եմ տեսնում: Որովհետև, եթե 3 օր է հաճախում, ապա ստացվում է, որ մնացած 3 օրը պայմանականորեն դառնում է անհարգելի բացակայություն անկախ նրանից, որ ինքը պաշտպանում է շաբաթական 10 ժամ տևողությունը:
Եթե պայմանագրում աշխատանքային շաբաթը չնշել (հնգօրյա կամ վեցօրյա, որը վերընշվածում նշեցի, որ պարտադիր է նշելը), ապա խնդիր ենք ունենանլու աշխատողի արձակուրդը հաշվելու հետ կապված: Աշխատակցի համար արձակուրդ հաշվելու համար պետք է լինելու հիմք ընդունել հնգօրյա կամ վեցօրյա աշխատանքային շաբաթ սահմանելու հանգամանքը: