Կայք հաշվապահների համար և ոչ միայն…
Արման.
Բարև ձեզ: Խնդրում եմ, ինձ շտապ օգնեք: Ես կարո՞ղ եմ գրանցել մեկ աշխատանքային պայմանագիր ու համաձայնագիր և նշել մեկ դրույք: Օրինակ՝ ընդունել աշխատանքի որպես տնօրեն՝ 5 ժամ աշխատանքային գրաֆիկով, և համատեղության կարգով նշանակել կոսմետոլոգ՝ 1 ժամ աշխատանքային գրաֆիկով, աշխատավարձը՝ 100 000 դրամ:
Եթե դա սխալ է, ապա ինչպե՞ս կարող եմ դա գրանցել, որ 100 000 դրամ աշխատավարձը չգերազանցի: Շնորհակալություն:
on Վարձակալության դադարեցում: “Հարկայինին պետք է ներկայացնեք ՀԱՅՏԱՐԱՐՈՒԹՅՈՒՆԱՆՇԱՐԺ ԳՈՒՅՔԻ ՀԵՏ ԿԱՊՎԱԾ ԵԿԱՄՏԻ ՍՏԱՑՄԱՆ ԻՐԱՎՈՒՆՔԻ ԵՎ ԴՐԱ ԴԱԴԱՐԵՑՄԱՆ ՎԵՐԱԲԵՐՅԱԼ, գործարքը դադարեցնելուն հաջորդող 5-օրյա ժամկետում: ” Nov 13, 10:17
on Ապրանքային նշանի նկատմամբ իրավունք: “կայքի պայմանագրերի ցանկում կա, պետք է դա նաև գրանցվի https://aipo.am/hy/pages/show/forms-register” Nov 12, 20:50 on Կանխիկ վճարման սահմանափակումներ: “բանկային վճարումների նկատմամբ սահմանափակում չկա, կարող է անգամ 200000 գնողն էլ փոխանցումով գնել” Nov 12, 20:45
on ՀԿ նախագահի եկամուտների հայտարարագրում: “Հոդված 156.Եկամտային հարկի հաշվարկները և այլ փաստաթղթերը ներկայացնելը 4.1. Սույն հոդվածի 4-րդ մասի 2-րդ կետով սահմանված կարգով եկամտային հարկի տարեկան հաշվարկներ…” Nov 12, 17:46 on Ե՞րբ պետք է դուրս գրել հարկային հաշիվը: “Հոդված 40.Աշխատանքի կատարման և ծառայության մատուցման պահը 1. Հանրային ծառայությունների և կոմունալ ծառայությունների մատուցման պահ է համարվում յուրաքանչյուր ամսվա վերջին…” Nov 12, 17:42 on Ծաղիկների մանրածախ առևտուր: “4909 00 000 0 Տպագիր կամ նկարազարդ փոստային բացիկներ. տպագրված շնորհավորանքներով, ուղերձով կամ հաղորդագրություններով բացիկներ՝ նկարազարդ կամ ոչ նկարազարդ, ծրարներով…” Nov 12, 17:25 on Բաժնետոմսերի առք ու վաճառք: “Հոդված 149.Արժեթղթերից ստացվող եկամուտները 1. Սույն հոդվածով այլ բան սահմանված չլինելու դեպքում հարկման բազան որոշելու նպատակով նվազեցվող եկամուտներ են…” Nov 12, 17:19
on Կանոնավոր ուղևորափոխադրումների իրականացում: “շնորհակալ եմ Գայանե ջան պատասխանի համար, հասույթը ուղևվարձնա որ վճարումը հաճախորդը տրանսպորտից օգտվելուց ա կետից բ կետ տեղափոխվելիս օրինակ 100…” Nov 12, 16:49
on Կանոնավոր ուղևորափոխադրումների իրականացում: “Հասույթը, որը մուտքի օրդերով մուծվում է դրամարկղ՝ եթե իր մեջ ներառում է ԱԱՀ-ն, ապա դրամարկղ մուտքագրված հասույթը լրացրեք տող 9-ում,…” Nov 12, 16:35
on Ապրանքային նշանի նկատմամբ իրավունք: “Բարև Ձեզ։ Եթե ապրանքային նշանի նկատմամբ իրավունքի փոխանցման պայմանագրի ձև գտել եք, խնդրում եմ ուղարկել silwahakobyan@gmail.com հասցին։” Nov 12, 13:45
Բարև Ձեզ, հարգելի Արման:
Ինչպես հասկանում եմ՝ անհրաժեշտ է, որ գեղեցկության սրահի տնօրենը կատարի նաև կոսմետոլոգի գործառույթները: Ժամանակին աշխատանքի պետական տեսչությունը մեկ պայմանագրում երկու պաշտոն նշելու տարբերակը չէր խրախուսում՝ չնայած առանց հստակ հիմնավորման: Ամեն դեպքում օրենսդրության մեջ նման արգելք սահմանված չէ: Ինչևէ, եթե խոսենք ոչ թե նույն պայմանագրով երկու պաշտոնների մասին, այլ համատեղությամբ աշխատանքի մասին, ինչպես Դուք էլ նշեցիք, ապա, որպեսզի տնօրենը համատեղությամբ կատարի կոսմետոլոգի պարտականությունները, անհրաժեշտ է ոչ թե համաձայնագիր, այլ երկրորդ աշխատանքային պայմանագիր, որում նշված կլինի, որ աշխատանքը կատարվում է համատեղությամբ: Այսինքն՝ աշխատողը հիմնական աշխատանքային պայմանագրով տնօրեն է լինելու, իսկ համատեղությամբ աշխատանքային պայմանագրով՝ կոսմետոլոգ: Աշխատավարձը բաշխեք այնպես, որ մեկ ժամի մաքուր գումարը երկու պաշտոնների համար առանձին-առանձին պակաս չլինի «Նվազագույն ամսական աշխատավարձի մասին» ՀՀ օրենքով սահմանված մեկ ժամի արժեքից: Ձեր նշած ժամերի համար գումարը պետք է որ տեղավորվի 100 000 ՀՀ դրամի մեջ:
Աննա ջան, իսկ ես կարո՞ղ եմ պայմանագրով աշխատողի հիմնական աշխատավարձը դարձնել ժամավճարային՝ համաձայնագրի հիման վրա:
Հարգելի Արման, աշխատողի և գործատուի փոխադարձ համաձայնությամբ, ըստ էության, հնարավոր է պայմանագրի ցանկացած կետ համաձայնագրով փոխել: Պարզապես այդ փոփոխությունները պետք է լինեն հիմնավորված և բխեն 2 կողմի շահերից: Մասնավորապես՝ աշխատավարձի պարագայում, համաձայն ՀՀ աշխատանքային օրենսգրքի 105-րդ հոդվածի, աշխատանքի վարձատրության չափը համարվում է աշխատանքի էական պայման, և գործատուն այն կարող է իր նախաձեռնությամբ փոխել միայն արտադրության ծավալների և (կամ) տնտեսական և (կամ) տեխնոլոգիական և (կամ) աշխատանքի կազմակերպման պայմանների փոփոխման դեպքում: Հակառակ դեպքում՝ աշխատանքի վարձատրության պայմանի փոփոխումը պետք է լինի ոչ թե գործատուի նախաձեռնությամբ, այլ փոխադարձ համաձայնությամբ: Բնականաբար, աշխատողի համաձայնությունը պետք է լինի ապացուցելի, և փոփոխությունն էլ՝ տրամաբանական (այսինքն՝ տրամաբանական լինի, որ նման փոփոխություն կարող է բխել աշխատողի շահերից):