Կայք հաշվապահների համար և ոչ միայն…
Arus.
Ողջույն: Ես Ա/Ձ եմ և ցանկանում աշխատողի աշխատանքի ընդունեմ: Բացի պայմանագիր կնքելուց անհրաժե՞շտ է արդյոք, որ ինքը աշխատանքի ընդունման դիմում գրի, իսկ ես աշխատանքի ընդունման հրաման տամ: Իմ հաշվապահը ասում է, որ կարիք չկա, իսկ ես կարծում եմ` անհրաժեշտ է: Խնդրում եմ, եթե հնարավոր է, օգնեք ճիշտ վարվեմ, և էլ ի՞նչ քալեր պետք է անեմ, աշխատանքի ընդունելու համար: Եթե հնարավոր է` քայլ առ քայլ գրեք: Շատ շնորհակալ կլինեմ:
on QR կոդով վաճառվող ապրանքներ: “փորձնական ծրագիրն ու դրոշմապիտակները իրար չեն խանգարում, վաճառեք քանի ժամկետի մեջ են, ” Nov 21, 19:36
on Սարքավորման ներմուծում ԵԱՏՄ-ից: “Բայց սարքավորումը գործնեության հետ է կապված ոչ թե վաճառքի” Nov 21, 18:49
on QR կոդով վաճառվող ապրանքներ: “Հիմա օրինակ եթե ավտոյուղը մտնում է փորձնական ծրագրի մեջ, բայց իմ մոտի յուղերը հին նմուշի դրոշմապիտակներով են, դրանք չեն վաճառվելու…” Nov 21, 17:21
on Ինքնազբաղված անձ: “Միկրոյի համակարգում աշխատելու դեպքում տարեկան հաշվետվություն եք հանձնում 256. Հաշվետ.՝ միկրոձեռնարկ. սուբյեկտի իրացման շրջանառ. վերաբերյալ” Nov 21, 17:05 on Հացի և խմորեղենի արտադրություն: “Եթե մնացած պահանջներին բավարարաում եք այո կարող եք աշխատել միկրոյով։” Nov 21, 16:58
Այո, անհրաժեշտ է, ընդ որում հրամանը կազմվում է 2 օրինակից պայմանագրի նման: 1 օրինակը աշխատողի համար է: Այնուհետև պետք է սոցապին հայտ և ստաժ ներկայացնեք:
Սխալ մի պատասխանեք, եթե լավ տեղյակ չեք, հարգելի Նարինե:
Աշխատողին աշխատանքի կարող եք ընդունել կամ պայմանագրով, կամ հրամանով, իսկ դիմումը պարտադիր չէ, Ձեր հաշհվապահը ճիշտ է, ծանոթացնում եք ներքին կարգապահական կանոններին, անցկացնում եք նախնական հրահանգավորում,ծանոթացնում եք ներքին իրավական այլ ակտերին, եթե այդպիսիք առկա են և վերաբերվում են տվյալ աշխատողին, հետո ինչպես նշվեց աշխատանքի ընդունման մասին հայտ և ստաժի մասին տեղեկություններ տալիս եք սոցապ:
Հարգելի Անյա, նման կերպ հարցին պատասխանելիս լավ կլիներ օրենքից հղումներ կատարեիք:
Այնուհանդերձ կարծում եմ Ձեզ համար շատ օգտակար կլինի վերընթերցել ՀՀ Աշխատանքային օրենսգրքի հոդված 84-ի 3-րդ կետը` ուշադրությունը սևեռելով “և”-ի վրա:
Ինչպես նաև կարդացեք ՀՀ կառավարության 16 հունիսի 2006 թվականի N 876-Ն որշումը և ՀՀ օրենքը իրավական ակտերի մասին` ընդունված 2002 թվականի ապրիլի 3-ին:
Հարգելի Նարինե,
կարծում եմ Ձեզ համար ևս շատ օգտակար կլինի վերընթերցել ՀՀ Աշխատանքային օրենսգրքի 14 հոդվածի 1-ին մասը` ուշադրությունը սևեռելով “կամ” -ի վրա: Բավականին հստակ է, որ օրենքը տալիս է այլընտրանքի հնարավորություն` աշխատանքային հարաբերությունները սահմանելու գրավոր աշխատանքային պայմանագրով կամ աշխատանքի ընդունման մասին անհատական իրավական ակտով /Հրամանով/:
876-Ն որոշումով կարգավորվում են այլ հարցեր, և ոչ մի կերպ հրամանը պարտադիր պայման չի սահմանվում, /ավելին որոշման 17-րդ կետը նույնպես վկայում է հրամանի և պայմանագրի հավասարազորության մասին/, իսկ “Իրավական ակտերի մասին” ՀՀ օրենքին Ձեր հղումը ընդհանրապես անհասկանալի է:
Առկա չէ օրենսդրության որևէ դրույթ որով կպարտադրվեր դիմումի առկայությունը:
Այն կարող է միայն տեղին լինել այն դեպքում, երբ աշխատողի և գործատուի միջև աշխատանքային հարաբերությունները ծագում են աշխատանքի ընդունման մասին անհատական իրավական ակտով /այսինքն հրամանով/, կամ գործատուի ներքին կանոնակարգով դիմումի ներկայացնելը աշխատանքի ընդունման համար պարտադիր պայման սահմանելիս: