Արփի.
Բարև ձեզ: Մի քանի հարց ունեմ, շնորհակալ կլինեմ, եթե պարզաբանեք: Դեռ հարկային գրանցում չունեմ, բայց ուզում եմ որպես ֆիզիկական անձ գրանցվել հարկայինում:
1. Արտասահմանյան ընկերության համար Երևանում ֆրիլանս վարչական աշխատանքներ եմ սկսելու անել: Դասիչները կարդացի, դա, կարծես, ամենից շատ համապատասխանում է 82.11.0 Կազմակերպությունների վարչարարական գրասենյակների համալիր գործունեությանը: Ճի՞շտ եմ հասկացել: Այստեղ գրասենյակ չկա, ուղղակի օրական 1 ժամ օնլայն տարբեր տիպի վարչական աշխատանքներ եմ անում, այդքանը: Որպես ֆիզ. անձ կարո՞ղ եմ այս գործունեությունն անել ու հարկերից ազատվա՞ծ եմ լինելու: Ի՞նչ հարկեր եմ վճարելու:
2. Մի քանի դասընթաց եմ անցկացնելու (նեղ մասնագիտական չեն, ավելի շուտ ընդհանուր զարգացման, բայց ոչ ֆորմալ): Ամենամոտ դասիչը 85.59-ն է, բայց ենթադասը ոչ մի նշված կետին չի համապատասխանում: Կարո՞ղ եմ որպես ֆիզ. անձ այս գործունեությունն իրականացնել, ու դա ինչպե՞ս է հարկվում:
1. Այդ դասակարգչի մասով ճիշտ է, իսկ հարկերի մասով Ձեր տարիքը կարևոր է, օրինակ՝ սոց. վճարի մասով, վճարելու եք եկամտային հարկ, սոց. վճար:
2. Դասընթացների անցկացումը Ձեր դեպքում ավելի լավ է՝ 85.59.9 Այլ կրթություն, չներառված ուրիշ խմբավորումներում: Որպես ֆիզ. անձ այս գործունեությունը կարող եք իրականացնել միկրոբիզնեսի ռեժիմում:
Այո, բայց միկրոբիզնեսի դեպքում պայման կա, որ բացառապես այս գործունեությամբ պետք է զբաղվեք: Այսինքն՝ ամեն դեպքում որպես ֆիզ. անձ չեք կարողանա, պետք է գրանցվեք ԱՁ և աշխատեք շրջ. հարկով: