Կարինե.
Բարև ձեզ։
Ես որպես ֆիզ. անձ նույն տարում ձեռք եմ բերել ավտոմեքենա և նույն տարում էլ վաճառել եմ։ ՊԵԿ-ից ծանուցում եմ ստացել եկամտային հարկի հաշվարկ ներկայացնելու մասին։ Խնդրում եմ, կնշե՞ք՝ ինչ պետք է անեմ։
Կայք հաշվապահների համար և ոչ միայն…
on Փոխանցում ԱՁ անձնական հաշվին: “կարող է լինել, բայց որոշ գումար անպայման թողեք ԱՁ հաշվում,” Nov 15, 19:56
on Փոխանցում ԱՁ անձնական հաշվին: “Նորմալ է, դե գումարի մեծությունը կախված է կազմակերպության շրջանառությունից․․․” Nov 15, 17:45on Փոխանցում ԱՁ անձնական հաշվին: “Մեկ հարց ևս։ Գումարի չափը շատ թե քիչ էական է՞ ։ Ասենք մեկ փոխանցման մեջ լինի1 000000 ից ավել” Nov 15, 14:47
on Ինչպե՞ս բաշխել չբաշխված շահույթը: “Այո պետռեգիստրով գրանցել ենք։ Շնորհակալ եմ պատասխանի համար։” Nov 14, 17:41
- on Համատիրության գործունեություն: “եթե շահույթ ունենաք կլինի շահութահարկի պարտավորություն” Nov 14, 17:20
ՀՕ 147-րդ հոդվածում այսպես է ասվում՝
16) սեփականության իրավունքով իրենց պատկանող գույքի (բացառությամբ ձեռնարկատիրական գործունեության առարկա համարվող գույքի) օտարումից անհատ ձեռնարկատեր և նոտար չհանդիսացող ֆիզիկական անձանցից ստացվող եկամուտները: Սույն կետի կիրառության իմաստով՝
ա. ձեռնարկատիրական գործունեության առարկա համարվող գույքի օտարում է համարվում ավտոմեքենայի օտարումը, եթե ավտոմեքենան օտարվում է ձեռք բերելուց հետո՝ 365 օրվա ընթացքում:
Դուք մեքենան վաճառել եք 365 օրը չլրացած, և այն համարվել է ձեռնարկատիրական եկամուտ, ուստի որպես ֆիզ. անձ պետք է հաշվետվություն ներկայացնեք և հարկ վճարեք: Հաշվետվության համար գնացեք հարկային:
Ձեր եկամտային հարկը հաշվարկվում է հետևյալ կերպ՝
ստացվող ամբողջ եկամուտների մասով եկամտային հարկը հաշվարկվում է 1 տոկոս դրույքաչափով, բայց ոչ պակաս, քան ձեռնարկատիրական գործունեության առարկա համարվող գույքի շարժիչի յուրաքանչյուր ձիաուժ հզորության համար 150 դրամից: Շարժիչի հզորությունը կիլովատերով արտահայտված լինելու դեպքում համապատասխան հզորության նկատմամբ կիրառվում է 1.36 գործակից:
Կներեք, իսկ եթե 2018թ. սեպտեմբեր ամսին ձեռք եմ բերել երկու մեքենա և երկուսն էլ վաճառել եմ 2018թ. դեկտեմբերին, պլյուս 2019թ. մարտ ամսին վաճառել եմ 2019թ. հունվարին ձեռք բերած 2 մեքենա: Որո՞նց համար պետք է հարկ վճարեմ։
Պետք է ներկայացնեք եկամտային հարկ վճարող ֆիզիկական անձի եկամտային հարկի տարեկան հաշվարկ: Ձեր գործունեությունը ավտոմատ կերպով դառնում է ձեռնարկատիրական գործունեություն, և Դուք դառնում եք հարկատու:
Դիմեք հարկային տեսչություն, ստացեք ՀՎՀՀ, բացեք էլեկտրոնային էջ և լրացրեք հաշվետվությունների 163 ձևը:
Խնդրեմ կասեք` հաշվետվության մեջ ի՞նչ պետք է գրվի: ՀՎՀՀ-ն կարիք կա՞ փակելու, և կան արդյո՞ք այլ հաշվետվություններ, որ պետք է ուղղարկվի:
Եվ, եթե ունենք ուշացում` ինչպե՞ս իմանամ` ինչքա՞ն է տոկոսը ավելացել:
Շնորհակալ եմ:
Այսինքն՝ լրացնելուց նշելու եմ 1 %, բայց հաշվարկեմ և գրանցեմ ձիաուժո՞վ:
Իսկ չե՞ք ասի՝ հետագայում տարեկան հաշվետվություններ էլ կա՞ն։ Մեկ էլ ե՞րբ կարող ենք ՀՎՀՀ-ն փակել։