Անուշ.
Բարև Ձեզ: Որ խնդրենք կասե՞ք, եթե աշխատողը օգտագործել է տվյալ տարվա հերթական ամենամյա արձակուրդը, կարո՞ղ է օգտվել հաջորդ տարվա արձակուրդից նախօրոք, եթե նման օրենք կա, կուղարկե՞ք: Օրինակ` ես օգտագործել եմ իմ 2021թ. ամենամյա արձակուրդը, բայց հիմա շատ անհրաժեշտ է արձակուրդ, բայց չունեմ, կարո՞ղ եմ օգտվել նախօրոք իմ 2022թ. ամենամյա արձակուրդը:
Եվս մեկ հարց. կասե՞ք` եթե օրինակ` մենք 2016թ. մանկապարտեզի վերանորոգման պատճառով տանն ենք եղել և վարձատրվել ենք պարապուրդ` ամբողջ տարի, այդ տարվա ամենամյա արձակուրդը կորու՞մ է, թե՞ վերջնահաշվարկի ժամանակ հաշվում ենք:
ԱՕ հոդված 164. Ամենամյա արձակուրդ տրամադրելու կարգը
1. Յուրաքանչյուր աշխատանքային տարվա համար ամենամյա արձակուրդը տրամադրվում է տվյալ աշխատանքային տարում:
Հոդված 165. Ամենամյա արձակուրդի համար անհրաժեշտ աշխատանքային ստաժը
Աշխատանքային տարում, որի համար տրամադրվում է ամենամյա արձակուրդ, ներառվում են`
1) փաստացի աշխատած ժամանակահատվածը.
2) այն ժամանակահատվածը, որի ընթացքում, օրենսդրությանը համապատասխան, պահպանվում են աշխատողի աշխատատեղը (պաշտոնը) և աշխատավարձը ամբողջությամբ կամ մասամբ
3) աշխատողի ժամանակավոր անաշխատունակության ժամանակահատվածը.
4) վճարովի ամենամյա արձակուրդի ժամանակահատվածը.
5) հարկադիր պարապուրդում աշխատողի գտնվելու ժամանակահատվածը` նախկին աշխատանքին վերադառնալու դեպքում.
6) օրինական գործադուլի ժամանակահատվածը.
Օգտվեք չվճարվող արձակուրդի Ձեր օրերից։
Պետք է ստիպված չվճարվող արձակուրդ ձևակերպեք,մինչև տարին փոխվի:
2016 տարվա ամենամյա արձակուրդը չի կորում, վերջնահաշվարկի ժամանակ հաշվում եք:
Դուք չեք կարող օգտագործել դեռ չկուտակած արձակուրդը, կարող եք չվճարվող արձակուրդ վերցնել, 1 տարվա ընթացքում հասնում է 60 օրացուցային օր չվճարվող արձակուրդ։
Հարկադիր պարապուրդում աշխատողի գտնվելու ժամանակահատվածը՝ նախկին աշխատանքին վերադառնալու դեպքում, ներառվում է աշխատանքային տարում, որի համար տրամադրվում է ամենամյա արձակուրդ, այսինքն՝ այդ ընթացքում կուտակվում է արձակուրդ, կարող եք դիմել այդ արձակուրդը օգտագործելու համար, իսկ վերջնահաշվարկի ժամանակ հատուցվում է կուտակված արձակուրդի բոլոր օրերի համար։