Արմինե.
Բարև ձեզ։ Այսպիսի հարց ունեմ․ եթե մայրության նպաստը հաշվարկելիս միջին ամսական աշխատավարձը ստացվում է նվազագույն աշխատավարձից փոքր, այդ դեպքում ո՞ր թիվն ենք վերցնում որպես միջին աշխատավարձ։
Կայք հաշվապահների համար և ոչ միայն…
on Հացի և խմորեղենի արտադրություն: “ՀԴՄ-ն վերաբերվում էր որ տեղում արտադրես և տեղում հդմ-ով վաճառես ոչ թե խանութներիս տաս , խանութներին բնականաբար հաշիվ վավերագիր պետք…” Nov 22, 11:16on Շրջանառության հարկի փոփոխություններ 2025թ․: “Փորցեցի նաև ճշտել հարկայինից, թեժ գիծ զանգահարեցի և ինձ պատասխանեցին որ վարձակալության վճարը չի նվազեցվում, պարզաբանելով որ ուղիղ չի նշված տարածքի…” Nov 22, 11:09
on Արդյո՞ք անհրաժեշտ է ինքնահաշիվ գրել: “Բայց հարցը նրանում է որ ես հարկը չեմ վճարում , ինքնահաշիվ եմ գրում առաջացած ԱԱՀ հաշվանցում եմ և փաստացի ստացվում…” Nov 22, 10:59
on Շրջանառության հարկի փոփոխություններ 2025թ․: “փաստորեն, կտեսնենք իրազեկում կլինի թե չէ, իսկ ներմուծման մաքսային հայտարարագրերի մասը հանել են,” Nov 22, 10:35
on Արդյո՞ք անհրաժեշտ է ինքնահաշիվ գրել: “Այո նախատեսված է վարչական պատասխանատվություն, եթե չեմ սխալվում 10,000-20,000 դրամ: Բացի դա ամեն ուշացրած 15 օրվա համար հարկի գումարի 5…” Nov 22, 09:09- on QR կոդով վաճառվող ապրանքներ: “փորձնական ծրագիրն ու դրոշմապիտակները իրար չեն խանգարում, վաճառեք քանի ժամկետի մեջ են, ” Nov 21, 19:36
Ժամանակավոր անաշխատունակության նպաստների մասին օրենքի համաձայն.
հ.22 մաս 6. Նպաստը սույն հոդվածով սահմանված կարգով հաշվարկվում է ժամանակավոր անաշխատունակությունը առաջանալու օրվա դրությամբ սահմանված նվազագույն ամսական աշխատավարձի չափից, եթե`
1) սույն հոդվածով սահմանված կարգով հաշվարկված միջին ամսական աշխատավարձի չափը պակաս է ժամանակավոր անաշխատունակությունը առաջանալու օրվա դրությամբ սահմանված նվազագույն ամսական աշխատավարձի չափից.
Հետևաբար եթե միջին ամսական աշխատավարձը ստացվում է նվազագույն աշխատավարձից 68000-ից փոքր թիվ, այդ դեպքում 68000-ը վերցնում եք որպես միջին աշխատավարձ։
Հարգելի Տիգրան, այսինքն՝ հաշվարկը այսպես եմ կատարում՝ 92618/30,4*140, ստացածից հանում եմ 23 % եկամտային հարկ և մնացածը վճարու՞մ։ Իսկ եթե աշխատակիցը հարկադիր պարապուրդում է, դա ինչ-որ ձևով ազդու՞մ է այս հաշվարկի կամ վճարման վրա։
Արմինե, կներես, մի ուղղում, օրենքի ինկորպորացիան չէի տեսել, օրենքի հ.22 մաս 6-րդ մասը ճիշտը այսպես է. 6. Եթե սույն օրենքով սահմանված կարգով հաշվարկված՝ վարձու աշխատողի կամ ինքնուրույնաբար իրեն աշխատանքով ապահոված անձի մայրության նպաստը հաշվարկելու համար հիմք ընդունվող միջին ամսական աշխատավարձը կամ եկամուտը պակաս է նվազագույն ամսական աշխատավարձի հիսուն տոկոսից, ապա մայրության նպաստը հաշվարկվում է նվազագույն ամսական աշխատավարձի հիսուն տոկոսից: Քանի որ ձեր մոտ ստացվել է նվազագույն ամսական աշխատավարձից փոքր սակայն հիսուն տոկոսից մեծ թիվ, ապա պետք է վերցնեք այդ փաստացի թիվը /30,4*140,ստացածից հանում եք 23% եկամտային հարկ և մնացածը վճարում։ Հարկադիր պարապուրդում գտնվելը, ցավոք, միջին աշխատավարձի հաշվարկվող մեծությունը նվազեցնում է, քանի որ այն աշխատավարձի երկու երրորդն է կազմում և պարապուրդի ժամանակ վճարումը աշխատավարձի և դրան հավասարեցված այլ վճարումների տարրերից է:
Հարգելի Տիգրան, Դուք հղումը ճիշտ եք կատարել, բայց այստեղ ասվում է. եթե հիմք ընդունվող միջին ամսական աշխատավարձը պակաս է նվազագույն աշխատավարձի 50 %-ից (հարկը ներառյալ), ապա մայրության նպաստը հաշվարկվում է 50 %-ից:
Վարձու աշխատողին տրվող մայրության նպաստը հաշվարկվում, նշանակվում և վճարվում է Հայաստանի Հանրապետության պետական բյուջեի միջոցների հաշվին՝ հղիության և ծննդաբերության արձակուրդի մեջ գտնվելու ժամանակահատվածի բոլոր օրացուցային օրերի համար:
Մայրության նպաստ նշանակելիս, եթե ժամանակավոր անաշխատունակությունն առաջանալու օրվա դրությամբ վարձու աշխատողի՝ մայրության նպաստը հաշվարկող գործատուի մոտ աշխատելու ժամանակահատվածը պակաս է տասներկու ամսից, ապա նրա միջին ամսական աշխատավարձը հաշվարկելիս օրենքով սահմանված կարգով հաշվի է առնվում նաև հաշվարկային ժամանակահատվածում՝ մինչև մայրության նպաստը հաշվարկող գործատուի մոտ աշխատանքի անցնելը նրան այլ գործատուի վճարած եկամուտը, եթե վարձու աշխատողը ժամանակավոր անաշխատունակությունն առաջանալու օրվա դրությամբ այդ գործատուի հետ աշխատանքային հարաբերությունների մեջ չի գտնվել:
Եթե այդ աշխատավարձը պակաս է ժամանակավոր անաշխատունակությունն առաջանալու օրվա դրությամբ սահմանված նվազագույն ամսական աշխատավարձի 50 տոկոսից, ապա մայրության նպաստը հաշվարկվում է նվազագույն ամսական աշխատավարձի 50 տոկոսից:
Եթե Ձեր դեպքում միջին ամսական եկամուտը փոքր լինի նվազագույն ամսական աշխատավարձի 50 տոկոսից, մայրության նպաստի համար միջին ամսական եկամուտ կհամարեք 91275:2= 45637,5, իսկ եթե նվազագույն ամսական աշխատավարձի մեծ լինի նվազագույն ամսական աշխատավարձի 50 տոկոսից, բայց փոքր նվազագույն ամսական աշխատավարձից, ապա մայրության նպաստի համար միջին ամսական եկամուտ կհամարեք Ձեր ստացած թիվը:
Օրինակ 1՝ եթե միջին ամսական եկամուտը ստացել եք 40000 դրամ, որը փոքր է 91275:2= 45637,5 ՀՀ դրամից, ուստի նպաստը կհաշվարկեք 45637,5 ՀՀ դրամից:
45637,5/30,4*140=210172,7 ՀՀ դրամ (նպաստի հաշվարկային չափը), որից պահվում է եկամտային հարկ՝ 48339 ՀՀ դրամ, սոց. վճար՝ 5254 ՀՀ դրամ, նպաստի վճարման ենթակա չափը կլինի 156579,7 ՀՀ դրամ:
Օրինակ 2՝ եթե միջին ամսական եկամուտը ստացել եք 60000 դրամ, որը մեծ է նվազագույն ամսական աշխատավարձի 50 տոկոսից, բայց փոքր է նվազագույն ամսական աշխատավարձից, ուստի նպաստը կհաշվարկեք 60000 ՀՀ դրամից: 60000/30,4*140=276316 ՀՀ դրամ (նպաստի հաշվարկային չափը), որից պահվում է եկամտային հարկ՝ 63552 ՀՀ դրամ, սոց. վճար՝ 6907 ՀՀ դրամ, նպաստի վճարման ենթակա չափը կլինի 205857 ՀՀ դրամ:
Մարինե ջան, ուզում եմ հասկանալ՝ միջին աշխատավարձը այս դեպքում զուտ (մաքուր) աշխատավարձի միջի՞նն ենք հաշվում։
Հաշվարկում եք կեղտոտ աշխատավարձից, քանի որ վերջում հարկվելու է 23 %:
Մայրության վճարից սոց. վճար չի պահվում:
Այդ դեպքում միջին է համարվում նվազագույն աշխատավարձի չափը: