E.
Կազմակերպությունը ֆիզ. անձի հետ կնքել է պայմանագիր (բայց չգիտեմ` քաղաքացիաիրավական, թե ոչ) բեռները մաքսային պահեստից մինչև կազմակերպության նշված հասցե տեղափոխելու համար: Ֆիզ. անձին վճարվել է 200 000 դրամ: Արդյո՞ք եկամտահարկ պետք է պահել, եթե օրենքի 20-րդ հոդվածը ասում է, որ հարկային գործակալը հարկի պահում չի կատարում, եթե վճարվող եկամուտը ձեռնարկատիրական գործունեության արդյունք է (ապրանքի մատակարարում, ծառայության մատուցում) և կնքվել է քաղաքացիաիրավական պայմանագիր: Մեր պարագայում ծառայության մատուցում է: Իսկ եթե կնքվել է պայմանագիր, ու ֆիզ. անձը բեռը տեղափոխել է Վրաստանից Հայաստան, հարկի պահումը ինչպե՞ս է կատարվում:
Հարգելի E, դուք նախ ճշտեք, թե ինչ պայմանագիր եք կնքել ֆիզ անձի հետ, եթե դա աշախատանքային չէ և քաղաքացիաիրավական չէ, ապա դուք ոչ մի հարկ էլ չեք պահում:
Հարգելի E,
օրենքի 20-րդ հոդվածը նկատի ունի այն ֆիզ. անձանց, ովքեր իրենք են վճարում իրենց եկամտահարկը (օրինակ` անհատ ձեռնարկատերերը), այդ իսկ պատճառով օրենքում խոսվում է ֆիզ. անձի ՀՎՀՀ-ի մասին: Եթե պայմանագիրը ուղղակի քաղաքացու հետ է, որը բեռներ է տեղափոխելու, ապա եկամտահարկ պահվում է: Կատարվում է նվազեցում 32500 դր, 3 տոկոս սոցապ. չի պահվում, գործատուի սոցապ. հաշվարկվում է: Եթե ծառայություն մատուցողը Վրաստանի քաղաքացի է, 32500 նվազեցում չի կատարվում: Մի բան էլ, գուցե իմաստ ունի վճարը բաժանել մեքենայի վարձավճարի և աշխատավարձի: Այս դեպքում մեքենայի վարձակալության համար կպահվի 10 տոկոս:
Հարգելի Lana, կնքվել է տրանսպորտային պայմանագիր, ես անկեղծ ասած չգիտեմ` դա համարվում է քաղաքացիաիրավական, թե ոչ: Տվյալ ֆիզ. անձը ռեզիդենտ է: Իսկ եկամտահարկի բլանկում ո՞ր տողում ենք լրացնում` այլ աշխատանքի վարձատրության, թե՞ այլ եկամուտների բաժնում: Ուղղակի այլ աշխատանքի տողի մասին բլանկի մեջ ասում է` եթե ֆիզիկական անձը ստանում է [12]և [13] տողերում նշված եկամուտներ, ապա [13-1] տողը չի լրացվում /չի գումարվում), բայց չէ՞ որ հենց այլ աշխատանքի վարձատրությունը տող 13-ն գործատուի սոց. պահում ենք, իսկ ո՞ր տողում է այն լրացվում:
Հարգելի E, եթե պայմանագրի մյուս կողմը ֆիզիկական անձ է (բացի անհատ ձեռնարկատերերից), ապա պայմանագիրը քաղաքացիաիրավական, ձեր դեպքում` տրասպորտային ծառայություններ մատուցելու համար: Եկամտահարկի բլանկում լրացնում ենք [13] այլ աշխատանքի վարձատրություն տողում: Բլանկի մեջ որ ասում է` եթե ֆիզիկական անձը ստանում է [12]և [13] տողերում նշված եկամուտներ, ապա [13-1] տողը չի լրացվում /չի գումարվում), իմ կարծիքով նկատի ունի, եթե նույն մարդը ստանում է աշխատավարձ և միաժամանակ ունի քաղիրավական պայմանագիր: Հանգիստ գրեք 13-րդ տողում, դա հաստատ ճիշտ է:
Հարգելի E, ֆիզ. անձանց կողմից մատուցվող ծառայությունների, աշխատանքների կատարման, հանձնարարության, կապալի և նմանատիպ գործարքների համար կնքվող պայմանագրերը համարվում են քաղաքացիաիրավական պայմանագրեր: Դրանց գծով վճարված եկամուտները համարվում են այլ աշխատանքի վարձատրություն և գրվում են 13 տողում: Ընդ որում, եթե անձը ստանում է նաև 12 տողում նշված եկամուտներ, ապա 13 -1 տողի մեջ նորից չի նշվում: Եթե նկատի ունեք սոց. վճարների հաշվետվության մեջ որ տողում են նշվում, ապա 14 կետի համապատասխան տողերում:
Հարգելի A.K, իսկ ֆիզ. անձի հետ կապած տրանսպորտային միջոցի վարձակալության պայմանագիրը նունպե՞ս համարվում է քաղաքացիաիրավական պայմանագիր, թե՞ ոչ: Ասեմ, որ ֆիզ. անձը միայն տրանսպորտային միջոցն է տվել վարձակալության և ՍՊԸ-ի համար որևէ աշխատանք չի կատարում:
Հարգելի Lana, շատ շնորհակալ եմ պատասխանի համար: Մի հարց էլ տամ. պայմանագիրը կնքվել է փետրվարի 28-ին և նույն օրը վճարվել է ամբողջ գումարը 200 000 դրամ, բայց առաքումը վերջնական եղել է մարտի 3-ին: Տվյալ դեպքում սոց-ի և եկամտահարկի հաշվետվություններում ինչպե՞ս ներկայացնեմ: Հարկայինում ասում են` սոցը կիսի փետրվարի և մարտի միջև, իսկ եկամտահարկը ոչ փետրվարի մեջ ներառի: Ի՞նչ կասեք այս մասին:
Հարգելի գործընկերեր, իմ մոտ նույնպես կա համանման խնդիր, եթե կարող եք, խնդրում եմ օգնեք: Վերը նշվածում ամեն ինձ պարզ էր, միայն հարգելի Lana ինչու՞ 32500 դր:
«ՊԱՐՏԱԴԻՐ ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՎՃԱՐՆԵՐԻ ՀԱՇՎԱՐԿՄԱՆ ԵՎ ՎՃԱՐՄԱՆ ԿԱՐԳԻ ՄԱՍԻՆ» ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ Հ Ր Ա Մ Ա Ն-ի 23 կետի համաձայն 3 տոկոսը վճարում է քաղաքացին: Եթե նա հրաժարվում է այն վճարելուծ, ինչպե՞ս վարվել այս դեպքում: Հնարավո՞ր է որդյոք պայմանագրում ներառել կետ, ըստ որի դա կվճարի գործատուն: Արդյո՞ք սա խնդիրներ չի առաջացնի: Սույն հրամանի երկրորդ հավելվածը պե՞տք է արդյոք լրացնել, եթե կնքվում է քաղաքացիաիրավական պայմանագիր: Կանխավ շնորհակալություն:
Հարգելի E, հարկայինը ճիշտ է` եկամտահարկը վճարվում է ըստ վճարի կատարման պահի, սոցը ըստ ամսվա պատկանելության /հաշվեգրման եղանակով/: Հետագայում, ավելորդ հաշվարկներից խուսափելու համար, պայմանագիրը այնպես կազմեք, որ աշխատանքը սկսվի և ավարտվի նույն ամսվա մեջ:
Հարգելի Ariana, «ՊԱՐՏԱԴԻՐ ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՎՃԱՐՆԵՐԻ ՀԱՇՎԱՐԿՄԱՆ ԵՎ ՎՃԱՐՄԱՆ ԿԱՐԳԻ ՄԱՍԻՆ» ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ Հ Ր Ա Մ Ա Ն-ի 23 կետը վերաբերում է այն դեպքերին, երբ 3 տոկոսը փոխանցելու պարտավորությունը դրված չէ գործատուի վրա` տես 23 կետի ա/, բ/ գ/… կետերը: Նույն Օրենքի 18 կետում հստակ նշվում է, որ քաղիրավական պայմանագրերից ստացված եկամուտներից 3 տոկոս չի վճարվում:
Շնորհակալ եմ, հարգելի Lana: Ես նայեցի «ՊԱՐՏԱԴԻՐ ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՎՃԱՐՆԵՐԻ ՀԱՇՎԱՐԿՄԱՆ ԵՎ ՎՃԱՐՄԱՆ ԿԱՐԳԻ ՄԱՍԻՆ» ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ Հ Ր Ա Մ Ա Ն-ի 18 կետի երկրորդ մասին համաձայն իրոք որ, գործատուների մոտ (անկախ հարկման կարգերից) քաղաքացիաիրավական պայմանագրերի շրջանակներում կատարվող աշխատանքների, մատուցվող ծառայությունների համար աշխատողները սոցիալական վճարներ չեն կատարում (այսինքն` գործատուները այդ պայմանագրերի շրջանակներում աշխատավարձի և դրան հավասարեցված եկամուտների 3%-ի չափով սոցիալական վճարներ չեն կատարում):