Սյուզաննա․
Բարև ձեզ։ Ես չեմ աշխատում, ունեմ երկու անչափահաս երեխաներ՝ 5 տարեկան և 1.7 ամսական։ Արդյո՞ք կարող ենք նպաստ ստանալ:
Accountant.am
Կայք հաշվապահների համար և ոչ միայն
Accountant.am
Կայք հաշվապահների համար և ոչ միայն
Նայեք այս հղումով, հնարավոր է 9-րդ միջոցառման շրջանակում շահառու եք հանդիսանում: Ձեր 1.7 ամսեկան հաշվով երեխայի ծննդյան միանվագ նպաստը կարող եք ստանալ անկախ աշխատող լինելու հանգամանքից:Երեխայի ծննդյան միանվագ նպաստը նշանակվում է, եթե դիմումը ներկայացվել է նոր ծնված երեխայի ծննդյան ամսվանից հետո՝ 12 ամսվա ընթացքում: Իսկ չաշխատող մայր հանդիսանալու դեպքում մայրության նպաստը ստացել եք, հիմա դիմեք ուշ չէ: Չաշխատող անձին մայրության նպաստ նշանակվում է, եթե դիմումը և անհրաժեշտ փաստաթղթերը ներկայացվել են հղիության և ծննդաբերության արձակուրդի իրավունք ունենալու ժամանակահատվածի (140 օրվա) ընթացքում: Ծնվելուց հետո մինչև 70-րդ օրը դիմեք:
Նպաստների տրամադրման կարգը կարգավորվում է ՊԵՏԱԿԱՆ ՆՊԱՍՏՆԵՐԻ ՄԱՍԻՆ օրենքով։ Կան տարբեր տեսակի նպաստներ՝ ընտանեկան, սոցիալական և այլն։Նպաստ ստանալու համար քաղաքացին դիմում է իր բնակության վայրի՝ պետական նպաստ տրամադրելու Հայաստանի Հանրապետության կառավարության լիազորած մարմին (այսուհետ` տարածքային կենտրոն):
Դիմողը տարածքային կենտրոնում հայտարարագրում է նպաստի տվյալ տեսակի համար անհրաժեշտ տվյալները և ներկայացնում պահանջվող փաստաթղթերը:
Պետական նպաստը տրամադրում (նշանակում և դրա վճարումը կազմակերպում) է տարածքային կենտրոնը սույն օրենքով սահմանված հիմքերի առկայության դեպքում:
Պետական նպաստների չափերը, դրանց նշանակման և վճարման կարգերը հաստատում է Հայաստանի Հանրապետության կառավարությունը: