Accountant.am

Արմեն․

Հարգելի հաշվապահներ,

Խնդրում եմ ուղղորդել, թե ՀՕ ո՞ր հոդվածով է կարգավորվում հետ վերադարձի՝ նվազեցնող ճշգրտող հաշիվ ստանալու դեպքում շրջանառության հարկի հաշվարկի ճշգրտումը։ Ո՞ր հաշվետու եռամսյակի հաշվարկում արտացոլել տվյալ նվազեցումը՝ հիմնակա՞ն գործարքի, թե՞ ճշգրտման գործարքի հաշվետու եռամսյակում։

Նախապես շնորհակալ եմ։

Նարինե․

Հարգելի՛ կոլեգաներ, խնդրում եմ ուղղորդել։

Մթերային խանութը (ՍՊԸ, շրջանառության հարկ վճարող) շուկայից ապրանք է ձեռք բերել առանց համապատասխան փաստաթղթի։

Մեր քայլերն են՝

1. Կազմել միակողմանի գնման ակտ։
2. Վճարել 20% եկամտային հարկ։
3. Գործարքն արտացոլել եկամտային հարկի հաշվարկում։

Կխնդրեմ հուշել՝ եկամտային հարկի հաշվարկի ո՞ր բաժնում պետք է արտացոլել տվյալ գործարքը (արդյո՞ք 2-րդ բաժնում), և ո՞ր կոդի ներքո։

Կանխավ շնորհակալություն օգնության համար։

Սեդա Հախվերդյան․

Բարև Ձեզ, հարցս գործուղումների մասին է։ Եթե աշխատակիցը 10 օրով գործուղվել է Չինաստան, ինչպե՞ս վճարեմ գիշերավարձի համար, եթե Հ/Ա չկա, կառավարության հաստատած նորմայի քանի՞ տոկոսը հաշվարկեմ:

Լուսինե․

Ես փորձառու հաշվապահ չեմ և ցանկանում եմ ճիշտ հասկանալ ՀՀ օրենսդրության այս դրույթի իմաստը։ Խնդրում եմ փորձառու հաշվապահներին օգնել պարզաբանելու հետևյալ հարցը։

ՀՀ «Նվազագույն ամսական աշխատավարձի մասին» օրենքի 2-րդ հոդվածի համաձայն՝ 40-ժամյա աշխատանքային շաբաթվա դեպքում գործավարձով կամ ժամավճարով վարձատրվող աշխատողների ժամային տարիֆային դրույքի նվազագույն չափը սահմանված է 450 դրամ։

Նույն օրենքի 4-րդ հոդվածը սահմանում է.

«Նվազագույն ամսական աշխատավարձի, գործավարձով և ժամավճարով վարձատրվող աշխատողների համար սահմանված ժամային տարիֆային դրույքի նվազագույն չափերի մեջ չեն ներառվում աշխատավարձից վճարվող հարկերը, սոցիալական կամ օրենքով սահմանված պարտադիր այլ վճարները, հավելումները, հավելավճարները, պարգևատրումները և լրավճարները»։

Նմանատիպ դրույթ նախատեսված է նաև ՀՀ աշխատանքային օրենսգրքի 179-րդ հոդվածով։

Ինձ հետաքրքրում է հետևյալը․

Արդյո՞ք այս դրույթները նշանակում են, որ գործատուն պետք է 450 դրամ նվազագույն ժամային աշխատավարձին ավելացնի աշխատողի հաշվին վճարվող հարկերն ու պարտադիր վճարները, որպեսզի աշխատողը հարկերը պահելուց հետո առձեռն ստանա առնվազն 450 դրամ մեկ ժամվա համար։

Թե՞ 450 դրամը համարվում է աշխատողի հաշվարկային աշխատավարձը՝ մինչև հարկերի և պարտադիր վճարների պահումը, և աշխատողը կարող է ստանալ դրանից պակաս մաքուր գումար։

Խնդրում եմ հնարավորության դեպքում պատասխանել՝ հղում կատարելով համապատասխան իրավական նորմերին կամ պաշտոնական պարզաբանումներին։

Նախապես շնորհակալություն՝ ժամանակ տրամադրելու և իրենց մասնագիտական փորձով կիսվելու համար։

Հասմիկ․

Հարգելի կոլեգաներ, ասացեք խնդրեմ՝ 80․20․0 կոդով՝ անվտանգության տեխնիկայի տեղադրում, այսինքն տեսախցիկների տեղադրման ծառայությունը կարո՞ղ է աշխատել շրջհարկով։

Մարիամ․

Բարև ձեզ։ Շրջանառության հարկով աշխատող ԱՁ-ն կարո՞ղ է ամսական վճարվող 5 000 դրամ շահութահարկը և 5 000 դրամ սոցիալական վճարը նվազեցնել շրջ․ հարկից։

Լիլիթ․

Եթե հաշիվ վավերագրով ապրանքի առաքումը լինում է օրինակ 30․08, բայց հաշիվը դուրս է գրվում 01․09, դա սխալ կհամարվի՞, թե՞ ոչ։

Բարև Ձեզ։ Շրջանառության հարկ վճարող ԱՁ եմ, ծրագրավորման ծառայություններ եմ մատուցում արտասահմանյան ընկերությանը, գինը՝ ԱՄՆ դոլարով։ Ծառայությունն ավարտվել է սեպտեմբերի 15-ին, իսկ հաշիվ վավերագիրը դուրս եմ գրում հոկտեմբերին։ Հարկային օրենսգրքի 16-րդ հոդվածը (ՀՕ-234-Ն, ուժի մեջ է 2026թ. հուլիսի 1-ից) նշում է մատակարարման պահը (38-րդ և 40-րդ հոդվածներ) և նախորդ աշխատանքային օրը հրապարակված փոխարժեքը։ Ճի՞շտ եմ հասկանում, որ պետք է կիրառել սեպտեմբերի 14-ի փոխարժեքը (մատակարարման պահին նախորդող աշխատանքային օր), և ոչ թե հաշիվ վավերագրի դուրս գրման օրվան նախորդող օրվա փոխարժեքը։ Շնորհակալություն։

Լիլիթ․

1. Ֆեյսբուքի գովազդի ծախսը երբ վճարվում է ընկերության հաշվից (բանկային քարտից), կարելի՞ է շրջանառության հարկից նվազեցնել։
2. Ապրանքի մաքսազերծման ժամանակ մաքսային բրոկերի դուրս գրած հաշիվը կարելի՞ է որպես ծախս ծրջանառության հարկի դեպքում նվազեցնել։

Անի․

Բարև Ձեզ, հարգելի հաշվապահներ, մի այսպիսի հարց ունեմ։ Ընկերներով ցանկանում ենք համերգ կազմակերպել, սրահ վարձակալել։ Բացի վարձակալության գումարից, որի մեջ ներառված են հարկերը, այլ հարկեր է՞լ պետք է վճարենք։

Նարեկ․

Հարգելի կոլեգաներ, M73.12.0 – Գովազդի տարածման հետ կապված գործունեությամբ զբաղվող տնտեսվարողը կարո՞ղ է արդյոք աշխատել շրջանառության հարկի համակարգում։

Նարե․

Բարև Ձեզ։ Խնդրում եմ օգնել` շրջանառության հարկով աշխատող ՍՊԸ-ն վաճառել է իր հիմնական միջոցները և արագամաշ առարկաները, որոնք ինտերնետ սարքավորումներ և մալուխներ էին, այդ վաճառքի մասով հաշվետվության մեջ ի՞նչ դասակարգիչ պետք է նշել։ Կանխավ շնորհակալ եմ։

Անահիտ․

Բարև Ձեզ, հարցս վերաբերվում է շրջանառության հարկի հաշվարկում 5․11 (Կատարված ծախսերի մասով հարկի գումարից չնվազեցվող և հաջորդ եռամսյակներ փոխանցվող գումար) տողին, նախորդ տարվա 4-րդ եռամսյակի 5․11 տողի գումարը չեմ ներառել հաջորդ եռամսյակի 5․7 (Նախորդ եռամսյակներում կատարված ծախսերի մասով հարկի գումարից չնվազեցված և փոխանցված գումար), ինչպե՞ս ներկայացնել ճշգրտված հաշվարկը։

Ռոմիկ․

Բարև Ձեզ, խնդրում եմ պատասխանեք, արդյո՞ք 189 եկամտային հարկի հարկային հաշվետվության ձևի մեջ (1.11) սյունակում պետք է արտացոլվի 2026թ-ին աշխատակցի հիվանդության նպաստի պետական բյուջեի միջոցների հաշվին տրվող գումարը: Ըստ լրացման կարգի՝ չպետք է գրվի, բայց հիվանդության նպաստը (սկիզբը, վերջը, գործատուի միջոցներով գումարը) լրացնելիս և ստուգելիս նշվում է, որ այդ (1.11) դաշտը դատարկ լինել չի կարող: Երբ “նպաստներ” բաժնից տեղադրում եմ պետական բյուջեի հաշվին հաշվարկված գումարը, նշվում է, որ այդ գումարը չի համապատասխանում: Միայն այդ դաշտում 0 գրելիս է, որ նշվում է սխալներ չկան: Այդպես էլ ուղարկել եմ հաշվետվությունը: Աշխատակիցը դեռ 2026թ-ի հուլիս ամսին հաշվարկված պետական բյուջեի միջոցների հաշվին նպաստը չի ստացել: 2026թ-ի հոկտեմբերի սկզբին VTB բանկը (որտեղ բացվել է աշխատակցի հաշիվը նպաստը ստանալու համար) պատասխանում է, որ գումար չի նստել հաշվին: Գուցե ինչ որ բան ես ճիշտ չեմ արել կամ ուրիշ մի բան պետք է անեմ, խնդրում եմ ուղղորդեք: Շնորհակալություն:

Հարություն․

Բարև Ձեզ: Շինարարական ընկերությունը վերանորոգել է դպրոց, որը հանդիսանում է պետական ոչ առևտրային կազմակերպություն (ՊՈԱԿ): Վերանորոգման ընթացքում օգտագործել է հոսանք: ՊՈԱԿ-ի և ընկերության միջև կա պայմանագիր, ըստ որի ընկերությունը ծախսված հոսանքի գումարը պետք է փոխանցի ՊՈԱԿ-ին: Հարց 1. Արդյոք ՊՈԱԿ-ը պետք է դուրս գրի ծառայությունների մատուցման հաշիվ վավերագիր: Հարց 2. Եթե ՊՈԱԿ-ը չի գրում հաշիվ վավերագիր, արդյո՞ք շինարարական ընկերությունը կարող է հոսանքի գումարը ծախսագրել շահութահարկը հաշվարկելիս:

Անի․

Սիրելի հաշվապահներ,

Շրջ. հարկով աշխատող ԱՁ-ն իրականացնում է Software Quality Assurance։ Արդյո՞ք J62.09.0 կոդը համապատասխանում է այս գործունեությանը։ Եթե այո, ապա 1% արտոնությունից օգտվելու համար անհրաժե՞շտ է արդյոք որևէ լրացուցիչ գործողություն կատարել, թե՞ բավարար է եկամուտը նշել հաշվետվության 19-րդ կետում։

Նախապես շնորհակալ եմ արձագանքների համար։

Անահիտ․

Բարև բոլորին։ Նման դեպք ունեցե՞լ եք։

Աշխատակիցը մինչև մարտի 31-ը աշխատել է այլ կազմակերպությունում և արդեն եղել է համընդհանուր ապահովագրավճար վճարող։ Ապրիլի 1-ից ընդունվել է մեզ մոտ՝ նույնպես 200 000 դրամը գերազանցող աշխատավարձով։ Ապրիլի համար հաշվարկել ու փոխանցել ենք 4 800 դրամ ապահովագրավճար, բայց ՊԵԿ-ում պարտավորություն չի առաջացել, գումարը մնացել է որպես գերավճար։

Այս դեպքում նոր գործատուն պետք է վճարի ապրիլի՞ց, թե՞ մայիսից։ Եթե մայիսից, ապա ապրիլի համար աշխատակիցը պե՞տք է ինքնուրույն վճարեր։ Առողջ․ամ-ից ասել են, որ ինքնուրույն վճարելու պարտավորություն չունի։ Ինչպե՞ս է կարգավորվում այս դեպքը։